3 شهور هنتغير فيهم 👌💪
_ فاضل ٣ شهور وندخل 2022 ..
_ عندك استعداد تخرج من 2021 بمستواك ده ؟
💎 لو اجابتك ايوا راضي ، أحب اقولك البوست دا مش ليك
💎 أما لو اجابتك لا مش راضي ، أنا عايز أغير من نفسي، فالبوست دا أنا كاتبه ليك👌
_ لما سألت نفسي ..
🌟امته الواحد يكون راضي عن نفسه ؟
🌟امته الواحد فينا يحس إنه اتغير ؟
🌟امته تحس إنك حطيت رجلك علي أول الطريق ؟
🌟امته تحس انك اتقدمت خطوة ؟
_ لقيت اجابة تلقائية حضرت في ذهني وهي ..
✅لما أحس ان قربت من ربنا وبقيت ملتزم بأصول العبادة .
✅لما اتعلم لغة جديدة .
✅لما اقرأ كتير .
✅لما أكون وصلت لمرحلة أن أقدر أكتب بسلاسة .
✅لما اتقدم في دراستي
✅لما أقدر اتغلب علي كل حاجه بتحبطني .
✅لما يبقي عندي جسمي رياضي متناسق .
_ ساعتها بس هحس اني اتقدمت خطوة 👌
🌟وعشان كل اللي فات دا قررت أن خطة التغيير هتكون علي أكثر من جانب..
١) الجانب الديني
٢)الجانب الدراسي
٣)الجانب النفسي
🌟وقبل مانبدأ نشتغل ع التلات جوانب .. لازم نعرف ان عندنا شوية قواعد وأساسيات
لازم نمشي عليهم عشان نكمل 👌
١) " الطريق طويل ......... "
_ يعني اي ؟
💎 يعني التغيير دا مش هيكون بين يوم وليلة لأ، دا انت هتجاهد نفسك شهور وسنين
واحتمال تقع وتستسلم في نص الطريق .. 👌
٢) امشي طريقك براحة وخطوة خطوة ..
_ يعني اي ؟
💎 يعني هنمشي بمبدأ سيدنا محمد "صلي الله عليه وسلم " اللي هو " خير العمل أدومه وأن قل " .. مش مهم تمشي بسرعة علي قد ماهو مهم أنك تفضل مستمر في المشي و المحاولة والسعي .
٣) العبرة مش بالكمّ .. العبرة بالكيّف👌
_ يعني اي ؟
💎 يعني مش الفكرة أنك تقرأ عشر كتب في شهر الفكرة انك تستفاد من اللي بتقرأه حتي ولو كتاب واحد .
٤)طريقك محدش هيمشيه غيرك 👌💪
_ يعني اي ؟
💎يعني مش لازم تستني رفيق العمر عشان تبدأوا مع بعض ..جايز تكون الواجهة مختلفة
.. متستناش حد يجي ينشلك من القاع الي انت فين طلع نفسك ..
ومش معني كده ان ميبقاش ليك حد يسندك في طريقك .. بالعكس كده الطريق هيزداد صعوبة ..
🌟امال اي ؟🤔
_ الفكرة كلها أنك تبدأ الطريق. بعدين تدور ع الناس اللي وجهتهم هتكون نفس وجهتك وهتسندوا بعض 👌
٥) القواعد لن تنتهي ..
_ يعني اي ؟
💎 يعني ممكن أفضل أحطلك قواعد لحد ما القلم يخلص ..😃
المهم أنك تنفذ اكثر عدد من القواعد أنت عارفه ..
حط قواعد لنفسك وامشي بمبدأ واحد 👌
✅ كفاية قواعد، ونخش ع الجوانب ..
☑الجانب الديني _ العبادة 🌺
العبادة جزء من الحياة ، ده لو مكنتش الحياة كلها .. 🖤
ربنا خلق فينا الاحساس ونفخ فينا الروح .. وزي ماجسمك عشان تحافظ عليه لازم تعمل تمارين ، تاكل أكل صحي ، تنام نوم صحي .
بردو الروح محتاجة صلة روحية تقويها تكمل ..والصلة الروحانية دي ربنا أوجدها في العبادة ، والعبادة باختصار حاجتين :
١) بُعد عن المعاصي والمنكرات .
٢) قُرب للطاعات وبعد عن المأمورات .
🌟خلينا بقي نتخصص شويه ، هنشتغل علي تلات حاجات في الجانب دا
✅صلاة
✅قران
✅ذكر
☑الصلاة 🥀
_ لو مبتصليش ، أبدا صلي .
_ لو بتقطع في الصلاة ، ارجع انتظم.
💎 ماهي العبادة لا تتجزأ مينفعش تاخد حته وتسيب حته .
💎عندك خمس فروض في اليوم والليلة ، ماتفرطش فيهم مهما كانت حالتك 👌
☑القرآن 🥀
_قالوا لو عُزت تكلم ربنا صلي وكلمه وأنت ساجد قوله علي اللي تاعبك.
_بس احنا كبشر وطبيعتها البشرية بتبقي عايزة قصاد السؤال جواب وقصاد الكلام رد .
_ يعني اي ؟
💎 يعني انا كلمت ربنا بس عاوز ربنا يكلمني
_ اعمل اي ؟🤔
💎إذا أردت أن يكلمك الله ، فاقرأ القرآن ..يعني القرآن دا كلام ربنا وفي ردود كتيرة علي كلامنا .
_المطلوب 👌
💎 نص ساعة كل يوم قراءة القران ،النص ساعه دي أقل معدل فيها ٤ أرباع
يعني نص جزء كل يوم ، بس كدا مش أكتر من كدا
☑الذكر 🥀
_ذكر ربنا في احساس تاني مش هيعرفه الا اللي جربه ، صعب الكلام يوصفه .
💎وربنا جعل لكل حاجه ذكر معين
💎عندنا أذكار صباح ومساء ، أذكار نوم ، ذكر للأكل ، ذكر للسفر ، ذكر المذاكرة ،
ذكر للامتحان ، ذكر للغم ، ذكر للتعب .
💎ربنا محطش الأذكار دي من فراغ ، ومحطهاش عشان متبقاش بلا نتيجة فلازم نستغلها 👌
☑الجانب الدراسي
🌟شخصياً مبحبش الجانب الدراسي الأكاديمي
_ النظام التعليمي المتبع عندنا نظام محبط .. نظام غير عادل .
_بتدرس حاجه مبتحبهاش
_بتتعلم حاجه مش هتعرف تتعلمها
_بتاخد درجات مش مساوية لمجهودك و معلوماتك
_وحاجات تانيه كتير
💎فالتعليم الأكاديمي الي عندنا انا شايف أن الافادة منه قليلة والاضرار كتير
ودا واقع مينفعش ننكره
_ طب اي الحل ؟
_ أسيب التعليم الأكاديمي ؟
🌟 لا طبعاً ، دي حاجه اتفرضت علينا ولازم نحاول. بكل الطرق نوصل .
_ طب اعمل اي ؟🤔
✅تحضر محاضراتك بانتظام
✅تذاكر أول بأول
✅تستعين بمصادر خارجية
✅تتخلص من اآلات الفشل
✅تعدي مرحلة الخوف من الامتحان
✅تبدأ تعمل كارير لنفسك من دلوقتي
☑الجانب النفسي 👌
_وده يعتبر أهم جانب بالنسبة لي .. لان لو الجانب دا ميت فينا مش هنقدر نتقدم خطوة في اي جانب .
💎نفسك ليها عليك حق
_ لو كنت بتضحك في وش الناس وانت زعلان ، فاانت اولي بالضحكه دي .
💎وطول ما انت حابس نفسك فيي دايرة الفشل ، الكسل ، الاهمال ، الحزن ، الخوف
هتفضل كده في مكانك 👌
💎عشان كده كان لازم نخلي للجانب النفسي الأهميه القصوي في الخطة ..
والجانب النفسي هنقسمه جزءين :
✅الأول : الجانب الجسدي _جسمك_
✅الثاني :الجانب المعنوي_عقلك_
🌟تعالوا نشوف ...
✅الأول : الجانب الجسدي _جسمك_
_الرياضة غذاء للروح والجسد_
1)هتعدلك مزاجك ..
زهقك ، اكتئابك ، الضغط الي عليك هيطلع في عشرة ضغط ، عشرة بطن ،
عشرة عقلة ، في شوية بلانك.
2)تظبط جسمك وتنزل وزنك ..
ودي حاجه كلنا محتاجينها وبنحلم بيها.
3)يحميك من الإصابة بالأمراض ..
زي السكر ، والسمنة ، والجلطات ، وأمراض القلب .
4)هتجددلك طاقتك ..
هتعملك تدفق في الدورة الدموية وتنظملك الكوليسترول وتظبطك من أول وجديد .
⚡ من الآخر هتعملك إعادة ضبط مصنع soft ware.
✅الثاني :الجانب المعنوي_عقلك_
_ القراءه اسلوب حياة_
1) نحن أمة اقرأ ..
للذين يقولون لا نحب القراءه ، نحن أمة اقرأ ، أول كلمة نزلت في القرآن " اقرأ "
_ ونزلت علي أمًي لا يجيد القراءة والكتابة " صلي الله عليه وسلم "
2)تحفيز للدماغ ..
القراءه هتنشطلك دماغك وهتحافظلك علي تركيزك وهتحميك من الإصابة بمرض الزهايمر .
3) زود معرفتك ..
كل معلومة بتقرأها بتتحفظ في دماغك ، جايز نحتاجها في يوم من الأيام .
4)اذهب إلي عالم آخر ..
امسك الكتاب وسافر بعيد عن وش الدنيا ،
وبعد الأصحاب وفراق الأحبة ،
وروح لعالم الكتاب الي بتقرأه ،
وهناك هتعيش ، وهترجع مرتاح .
⚡ نحن أمة اقرأ ، لازم تقرأ كتاب كل أسبوع .👌
_اكتب بإيدك_
1)هدئ أعصابك ..
خد ورقة وقلم وروح لوحدك في مكان تكون في لوحدك واكتب بإيدك .
_ دراسات علمية أثبتت أن الحركة دي أفضل من شربط مهدئ للأعصاب
2)حافظ علي عقلك ..
كلنا من غير العقل ولا نسوي ، لا قيمة لنا ، والعقل زيها زي أي آله لو سبتها من غير ماتشغلها وتعملها صيانه هتبوظ وتصدي فحافظ علي عقلك واعمله صيانة يوميا.
⚡صيانة عقلك هي الكتابة
3)الكتابة علاج..
تعرف أن الكتابة علاج ، اه والله علاج ،
الكتابة بتخرج مخزون المشاعر الي جواك ،
الكتابة يتخرج الكلمة الي لسانك مش قادر يقولها ،
الكتابة هتطلع من جواك ..
_القلق
_الخوف
_الاكتئاب
⚡الكتابة كلام القلب.
_اتعلم انحليزي_
1) هتتفتحلك أبواب فرص كتيرة ،
لو أتقنت انحليزي وبقيت متحدث لبق هتكون قدرت تخلق لنفسك فرص كتيرة ..
_ هتساعدك في فرصة الحصول علي وظيفة كويسة
_هتساعدك في فرصة الحصول علي منحة لبلد
_ هتساعدك في فرصة السفر للخارج.
2)هتقدر تكسب فلوس في أكتر من مجال ..
_اللغة الانجليزية هي لغة العصر ولو أتقنتها هتلاقي قدامك فرص كتير إنك تشتغل في أكتر من مجال والأماكن الي هتكون ليك فرص ليها كتيرة .
3)هتوصل لدماغهم وتفكيرهم ..
الأدب الانجليزي ، التكنولوجيا الأجنبية ، الثقافه الإنجليزية
هتقدر توصل ليها لو اتعلمت انجليزي .
_هتقدر تقرأ ادبهم وفكرهم
_هتقدر تطلع علي التكنولوجيا بتاعتهم.
4)هتحس أنك اتقدمت خطوة ..
من الحاجات الي هتساعدك وهتحفزك انك تتقن انجليزي ، هيفرق معاك ،
هيحسسك أنك بدأت أول انجاز .
⚡الانجليزي سهل والله .
_تعلم شرعي_
1)طريقك الي الجنة paradise🖤.
معرفة الدين الاسلامي من الأمور الي هتزود معرفتك بربنا ،
هتحببك في الاسلام ، وهتعيش بالإسلام .
⚡ مش عشان انت اتولدت مسلم وخلاص .
2)من يرد الله به خيراً يفقهه في الدين ..
ضع نفسك ضمن قائمة من أراد الله به خيراً، وفقه نفسك في الدين ،
_ابحث عن العلوم الشرعية وتعلمها .
_اعرف صلاتك صح
_اعرف ربك صح
_اعرف نبيك صح
_اعرف دينك صح .
3)العلم الشرعي علم القلوب ..
هو العلم الذي له مكانه مميزة في القلب ، علم اختص بالقلب والقلب اختص به ،
_فيه دواء للهموم والعضلات .
⚡ علم الأنبياء ، فتعلموه .
_اتعلم أون لاين_(عن طريق الانترنت)
1)مفيش قدامك حجه .
ابحث عن الكورسات اللي تفيدك واللي أنت عايز تتعلمها
_تقدر تتعلمها من بيتك ، وأنت راقد علي سريرك .
_تقدر تتعلمها من غير فلوس
_تقدر تتعلمها لو أنت عايز تتعلمها .
2)استغل النت صح .
ابعد عن السوشيال ميديا بقرفها وأخبارها ،
ودور علي منصة تتعلم عليها أون لاين .
_المنصات كتير ، سجل مع واحدة او اتنين واشتغل معاهم كورسات كورس بكورس.
3) شوف نفسك بعد 3 شهور ..
اشتغل علي المنصات دي وتابع معاهم الكورسات الي هتساعدك وتفيدك وشوف نفسك هتكون طورتها ازاي بعد اربع شهور أون لاين صح 👌💪.
تحياتي للجميع Noby Abdelhameed
أدمن نوبي عبدالحميد
ليست هناك تعليقات
إرسال تعليق